Artikulli me titull “Zemaj: Po përgatitemi për valën e dytë të virusit, mund të ketë prap mbyllje”, është publikuar nga portali i dyshimtë “Specialja.com”.
Në përmbajtjen e këtij artikulli gjendet intervista e ministrit të shëndetësisë, Armend Zemaj, e dhënë për RTK-në, ku flet lidhur me valën e dytë të virusit Korona, por jo edhe për mundësinë e aplikimit të serishëm të masave, siç mund të jetë rikthimi i izolimit apo mbyllja.
Vegëza e artikullit të botuar në Specialja.com:
Zemaj për RTK-në tregoi se nga java tjetër do të fillojë shpërndarja 160 mijë e 500 vaksinave kundër gripit sezonal. Ndërsa janë në procedurë të shtimit edhe të 340 mijë tjera, që nënkupton 500 mijë vaksina do të shpërndahen deri në fund të vitit.
Vegëza e intervistës së Zemajt për RTK-në:
https://www.rtklive.com/sq/news-single.php?ID=466214
Analiza:
Portali i dyshimtë Specialja.com, qëllimshëm ka ndryshuar titullin e lajmit, duke synuar tërheqjen e lexuesve. Pas verifikimit nga hibrid.info, ky artikull kategorizohet si “Lajm i rremë”, “Dezinformatë” dhe “Clickbait”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.