Portali i dyshimtë “specialja.com” ka publikuar një artikull me titull “Avdullah Hoti: Rinia nuk është marre me punu edhe për 150 euro, me kontribu për këtë shtet të mire”.
Ky artikull përmban titull dhe përmbajtje të sajuar. Pas analizës së kontrollit të fakteve, hibrid.info nuk ka gjetur asnjë deklaratë të tillë të bërë nga Avdullah Hoti të publikuar në mediat kredibile.
Teksti i artikullit të publikuar në portalin e dyshimtë “specialja.com”:
Avdullah Hoti: Rinia nuk është marre me punu edhe për 150 euro, me kontribu për këtë shtet të mirë
Kryeministri i Kosoves, Avdullah Hoti ka kritikuar rinin e Kosoves mbreme ne nje interviste qe pati per televizionet kosovare. / Hap 5 sek marketingun vazhdo PAMJET EKSKLUZIVE
Ne kete interviste ai u shprehe se rinia kosovare s’po punojn..
“Rinia e Kosoves nuk po punon hiq. Ata duhet me punu edhe per 150 euro me i kontribu shtetit.” / Hap 5 sek marketingun vazhdo PAMJET EKSKLUZIVE
Vegëza e artikullit të publikuar në portalin e dyshimtë “specialja.com”:
Analiza:
“Specialja.com” ka publikuar artikull me titull dhe përmbajtje të rreme, i cili është krijuar për të tërheqë lexuesit të klikojnë në të. Edhe pas verifikimit përmes makinave të kërkimit, hibrid.info arritur të gjejë asnjë deklaratë të tillë nga kryeministri në detyrë Avdullah Hoti, e cila është publikuar në mediat kredibile. Ky shkrim kategorizohet si “lajm i rremë” dhe “dezinformatë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.