Portali i dyshimtë “konakushqiptar.com” ka publikuar një artikull ku pretendohet se qytetarët mund të aplikojnë për të marrë shuma prej 250 euro.
Hibrid.info pas verifikimit të fakteve ka vërtetuar se titulli i këtij artikulli është i rremë, i cili mund të mashtrojë dhe dezinformojë lexuesit, duke i shtyrë ata që të klikojnë në të.
Pas kontrollit të kryer nga hibrid.info, në këtë artikull gjendet vetëm një status i një qytetari të Kosovës, i cili me datë 28 korrik të vitit 2020, në rrjetin social Facebook kishte dhënë si ide të shpërndahen këto mjete shkaku i pandemisë COVID-19.
Vegëza e artikullit të publikuar në portalin e dyshimtë “konakushqiptar.com”:
I njëjti artikull me titull të rremë është shpërndarë edhe në Facebook nga faqja “Gazeta Aktive”, ku ka arritur të grumbullojë komente e reagime të shumta.
https://www.facebook.com/GazetaAktive/posts/246012110902147
Gjatë hulumtimit të bërë nga hibrid.info, u gjet edhe statusi i qytetarit (njohës i ekonomisë) Shenoll Muharremi në Facebook, i cili u përdor nga portalet e dyshimta për t’u paraqitur si vendim institucional, për të krijuar dhe shpërndarë lajme të rreme.
https://www.facebook.com/shenoll.muharremi/posts/3358794897515018
Ky status i Muharremit është përdorur edhe më herët nga portale tjera të dyshimta, ku edhe atëherë është verifikuar nga stafi i hibrid.info.
Analiza:
Artikulli i “konakushqiptar.com”, përmban titull të rremë, i cili nuk përputhet me tekstin, i cili duket se ka tendencë të mashtrojë lexuesit duke i shtyrë ata të klikojnë në të.
Pas analizës së kontrollit të fakteve, hibrid.info e ka vlerësuar këtë artikull si “mashtrim”.