Artikulli me titull “Vjen lajmi i mirë për tërheqjen e parave nga Trusti” është publikuar në Facebook nga faqja “Gazeta Aktive”.
Pas verifikimit të fakteve, hibrid.info ka vërtetuar se titulli i këtij lajmi është i sajuar, i cili nuk i përgjigjet përmbajtjes në tekst.
Ky tekst i postuar nga kjo faqe, është publikuar më 19 prill nga portali i dyshimtë me përmbajtje në gjuhën shqipe “banglarreporter.com”.
Në përmbajtje të këtij artikulli gjendet deklarata e muajit prill e deputetit të PDK-së, Hajdar Beqa, i cili për KosovaPress.com kishte thënë se do të insistojnë edhe përmes Kuvendit të miratohet Projektligji që mundëson tërheqjen e TRUST-it.
Pra, lajmi është i vjetër dhe pretendimi se është marr vendim lidhur me tërheqjen e parave nga Trusti, është i rremë.
Vegëza e artikullit të postuar në Facebook nga faqja “Gazeta Aktive”:
https://www.facebook.com/100064800784275/posts/377658531070837/
Artikullin me të njëjtin titull të publikuar në portalin e dyshimtë “banglarreporter.com” mund ta gjeni këtu.
Pas hulumtimit përmes makinave online të kërkimit, hibrid.info ka arritur të gjejë artikullin autentik të publikuar në kohë reale nga “KosovaPress.com”. (shih këtu)
Analiza:
Faqja “Gazeta Aktive” ka postuar në Facebook një artikull të vjetër të muajit prill të marrë nga portali i dyshimtë banglarreporter.com.
Në përmbajtje gjendet deklarata e deputetit të PDK-së, Hajdar Beqa, i cili atëkohë kishte thënë se do të insistojnë edhe përmes Kuvendit të miratohet Projektligji që mundëson tërheqjen e TRUST-it.
Por, këtij artikulli, ky portal i dyshimtë i ka vënë titull të rremë me pretendimin se “Vjen lajmi i mirë për tërheqjen e parave nga Trusti”.
Pas analizës së kontrollit të fakteve, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
