Portali informativ “sot.com.al” ka publikuar sot (14 korrik) një artikull me titull “Tërmet i fuqishëm me magnitudë 6.4 ballë, ja ku ishte epiqendra”.
Pas verifikimit të fakteve të kryer nga hibrid.info, është vërtetuar se titulli është përgjithësues që nuk sqaron se ku ka ndodhur ngjarja.
Lajmi qartësohet vetëm në përmbajtje, ku shkruan “një tërmet me magnitudë 6.4 është regjistruar sot me epiqender në brigjet e Chiapas në Meksikë, njoftoi Qendra e Kërkimeve për Gjeoshkencat (GFZ)”.
Duke u bazuar në seksionin “Kontakt” në ueb-faqen e këtij mediumi online, ku adresa e tij shfaqet të jetë në Tiranë (këtu), kjo bën që titulli përgjithësues të lë vend për keqkuptim te lexuesit se tërmeti ka ndodhur në ndonjë vend shqipfolës.
Vegëza e artikullit të publikuar në portalin “sot.com.al”:
Për ta vërtetuar edhe më shumë faktin se tërmeti ka ndodhur në Meksikë, hibrid.info ka gjetur artikullin e publikuar në mediumin online britanik “Reuters”. (shih këtu)
Analiza:
Pas verifikimit e fakteve, hibrid.info ka vërtetuar se portali “sot.com.al” ka publikuar një artikull lidhur me tërmetin e ndodhur sot në Meksikë, por në titull nuk sqaron se në cilin shtet ka ndodhur.
Bazuar në metodologjinë e punës, hibrid.info e vlerëson këtë artikull si “Clickbait”.
Arsyetimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.