Portali informativ “ntv.al” ka publikuar një artikull me titull “Kujdes! Policia jep alarmin: Vrasësi i rrezikshëm është arratisur nga burgu”.
Pas verifikimit të fakteve të kryer nga hibrid.info, është vërtetuar se titulli i artikullit është përgjithësues që nuk sqaron se policia e cilit shtet ka bërë këtë thirrje.
Lajmi qartësohet në përmbajtje, ku thuhet “Autoritetet në Pennsylvania, SHBA kanë ngritur alarmin pasi një vrasës 34-vjeçar i dënuar përjetësisht është arratisur nga qelia”.
Duke e ditur se ky portal shumicën e lexuesve në faqen e tij në Facebook i ka shqip-folës (këtu), titulli në fjalë, mund t’i dezinformojë lexuesit se thirrja e policisë është bërë në nga shtetet shqip-folëse.
Vegëza e artikullit të publikuar në portalin “ntv.al”:
Hibrid.info për të dëshmuar se lajmi tregon për një thirrje të bërë nga Autoritetet në Pennsylvania, SHBA, ka gjetur artikuj në lidhje me lajmin, nga mediat e huaja. (shih këtu dhe këtu)
Analiza:
Portali informativ “ntv.al” ka publikuar një artikull në të cilin thuhet se autoritetet në Pennsylvania, kanë njoftuar në lidhje me arratisjen e një vrasësi 34-vjeçar nga burgu, i dënuar përjetësisht. Por që në titullin e artikullit nuk është specifikuar vendndodhja e ngjarjes.
Bazuar në metodologjinë e punës, hibrid.info e vlerëson këtë artikull si “Clickbait”.
Vlerësimi:
Vlerësimin “Clickbait” e marrin ato tekste titujt e të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
