Faqja në Facebook “The Reis” ka publikuar dje një video-material në të cilën paraqiten pamje të një parade ushtarake.
Këtij video-materiali, faqja e lartcekur i ka vënë mbishkrimin “Lëvizja Ansarullah në Jemen shpalli mobilizim. Lëvizja Ansarullah ka raketa balistike me rreze veprimi prej 2 mijë km”.
Por që pas verifikimit nga hibrid.info, është vërtetuar se video-materiali është i vjetër, i publikuar në muajin shtator dhe shfaq pamje të një parade ushtarake në Sanna të Jemenit.
Duke u bazuar në publikimet e faqes së lartcekur (këtu), por dhe nga komentet në po këtë publikim të video-materialit, nënkuptohet se i njëjti është munduar të paraqitet si aktual, duke e ndërlidhur atë me konfliktin në Gaza.
Vegëza e video-materialit të publikuar në Facebook nga faqja “The Reis”:
https://www.facebook.com/watch/?v=171282365978290
Hibrid.info pas hulumtimit të kryer përmes programit të automatizuar “InVID”, ka gjetur një video-material të publikuar në median sociale TikTok me 21 shtator, që shfaq disa pamje nga parada e njëjtë ushtarake në Jemen. (shih këtu)
Përshkrimi i këtij video-materiali është në gjuhën arabe, por pas përkthimit përmes Google Translate në gjuhën shqipe, ai merr kuptimin “Një paradë e re ushtarake në Sanaa – Parada ushtarake e forcave të armatosura të Jemenit sot në Sheshin Al-Sabeen me rastin e Revolucionit të 21 Shtatorit”.
Analiza:
Një faqe në Facebook ka publikuar një video-material të vjetër (shtator 2023) ku shihen pamje të një parade ushtarake në Jemen.
Bazuar në aktivitetin e faqes, video-materiali është munduar të paraqitet si aktual, me pretendimin të ndërlidhet me situatën aktuale në Gaza.
Bazuar në metodologjinë e punës, hibrid.info e vlerëson këtë publikim si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
