Faqja në Facebook “Mesxhid El-Aksa” që publikon përmbajtje në gjuhën shqipe, dje (16 nëntor) ka postuar një video-material në të cilën paraqitet një pjesë e një qyteti të shkatërruar.
Me anë të këtij video-materiali, faqja e lartcekur pretendon se pamjet janë të datës 16 nëntor dhe paraqesin qytetin e shkatërruar të Gazës.
Pas verifikimit të fakteve të kryer nga hibrid.info, është vërtetuar se video është e vjetër dhe paraqet pamje të qytetin Homs në Siri.
Vegëza e artikullit të publikuar në Facebook nga faqja “Mesxhid El-Aksa”:
https://www.facebook.com/profile.php?id=61552794521615
Pas hulumtimit përmes programit të automatizuar “InVID”, hibrid.info ka arritur të gjejë një artikull të vitit 2020 me imazhin që shfaq po të njëjtën pamje, në të cilën sqarohet se fotografia është e realizuar në vitin 2016 dhe paraqet qytetin sirian, Homs. (shih këtu)
Gjithashtu, hibrid.info ka arritur të gjejë video-materialin e njëjtë të publikuar në vitin 2021 në TikTok. Video mban përshkrimin në gjuhën arabe, e që pas përkthimin në gjuhën shqipe, del që ky përshkrim tregon se pamjet paraqesin qytetin Homs. (shih këtu)
Analiza:
Pas verifikimit të fakteve, hibrid.info ka vërtetuar se faqja në Facebook “Mesxhid El-Aksa”, ka publikuar pamje të vjetra të qytetin të shkatërruar sirian, Homs, me pretendimin e rremë se video-materiali është realizuar me 16 nëntor dhe paraqet qytetin e shkatërruar të Gazës.
Bazuar në metodologjinë e punës, hibrid.info e vlerëson këtë postim si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
