Disa faqe në Facebook kanë publikuar një imazh në të cilin paraqiten dy fëmijë duke fjetur në baltë brenda një tende.
Këtij imazhi i është bashkëngjitur edhe mbishkrimi “Fli i qetë nuk janë fëmijët e tu, janë fëmijët e Gazës!”.
Pas verifikimit të fakteve të kryera nga hibrid.info, është vërtetuar se ky imazh nuk është real dhe se është krijuar me anë të inteligjencës artificiale (AI).
Vegëzat e postimit të publikuar në Facebook nga faqet “Xhamitë e Shqipërisë” dhe “Xhamitë e Tiranës’:
https://ghostarchive.org/archive/8S5cn
https://ghostarchive.org/archive/eZLhG
Pasi të analizohet imazhi nga afër, vërehen deformime grafike në këmbët e fëmijëve si dhe nga mënyra se si shkëlqen fytyra e tyre. (shih fotografinë më poshtë)
Hibrid.info ka analizuar imazhin me aplikacione që identifikojnë përmbajtjet e gjeneruara me inteligjencë artificiale.
Pas verifikimit të kryer nga hibrid.info nëpërmjet aplikacionit “Hive Motivation” rezulton që imazhi është prodhuar 99.9 për qind me inteligjencë artificiale, edhe në aplikacionin “AIorNot” thuhet “kjo ka të ngjarë të jetë AI”.
Imazhi i publikuar nga faqja “Xhamitë e Shqipërisë” me datë 29 janar, deri në publikimin e këtij artikulli, ka arritur të grumbullojë mbi 300 reagime, 30 komente dhe 80 shpërndarje (shih këtu). Ndërsa faqja “Xhamia e Tiranës”e ka publikuar të njëjtin imazh në Facebook më 30 janar. Postimi i bërë nga kjo faqe ka arritur të grumbullojë mbi 1000 reagime, 106 komente, 55 shpërndarje. (shih këtu)
Analiza:
Pas analizimit të imazhit të publikuar nga disa faqe në Facebook, përmes aplikacioneve që identifikojnë përmbajtjet e gjeneruara me inteligjencë artificiale, rezulton që fotografia e postuar nga disa faqe në Facebook është gjeneruar me AI.
Bazuar në metodologjinë e punës, hibrid.info e vlerëson këtë imazh si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.