Një recetë mjekësore për shërimin e këmbëve është shpërndarë shumë nga mediat në Kosovë edhe pse në përmbajtjen e saj mungon burimi i informacionit.
Në këtë shkrim gjendet një recetë me disa përbërës, të cilët pretendohet se i rigjenerojnë këmbët, duke eliminuar dhimbjen e tyre.
Këtij lajmi të shpërndarë me titull “Gruaja e tregon me detaje: Po të mos ishte kjo recetë, unë nuk do isha sot në këmbë, 2 përbërësit që m’i rigjeneruan këmbët”, i mungojnë burimet si dhe identiteti i gruas që supozohet se ka folur rreth këtij “ilaçi”.
Vegëzat e artikullit të shpërndarë në media:
Analizë:
Ky shkrim nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst rreth përbërësve që ndihmojnë në shërimin e sëmundjeve në këmbë, nuk janë të verifikuara.
Artikujt e tillë shpesh keqinterpretojnë ose manipulojnë kërkimet shkencore ekzistuese. Pas kësaj analize, ky tekst hyn në kategorinë si “Lajm i rremë”, “Përmbajtje e pa verifikuar” dhe “Pseudoshkencë”.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
Pseudoshkencë – Vlerësim si “Pseudoshkencë” merr ai raportim mediatik që përpiqet të paraqesë disa mendime, qëndrime, vlera ose gjetje të marra nga një metodë jo-shkencore dhe ti paraqesë ato si zbulime shkencore ose fakte. Raporte të tilla shpesh keqinterpretojnë ose manipulojnë kërkimet shkencore ekzistuese, ose i referohen hulumtimeve që janë në kundërshtim me verifikimin shkencor dhe gjetjen e fakteve.