Në një ngjarje të rëndësishme, trajnimet përballë keqinformimit zgjerohen edhe në qytetet e Pejës dhe Gjakovë, duke sjellë njohuri të thella dhe praktika për të kundërvënë dezinformimin në çdo formë. Për të shpjeguar pjesëmarrësve teknikat e fakt-checking për fotografitë dhe videot, si dhe për të identifikuar fotografi të gjeneruara me inteligjencë artificiale, trajnerët u përqendruan në shembuj konkret dhe diskutime interaktive. Diskutimet u zgjeruan mbi dezinformata, lajmet e rreme, manipulimin e fakteve, mashtrimin, gabimet, dhe teoritë konspirative, duke i ofruar pjesëmarrësve një kuptim të thellë të rrjedhës së informacionit të rremë dhe si t’i adresojnë ato me qëllim që të ndërtojnë një shoqëri më të informuar dhe të pajisur për të dalë në krah të së vërtetës.
Sesionet informuese në kuadër të projektit “Countering Disinformation Narratives through Innovation and Experiential Learning,” mbështetur nga Ambasada e ShBA-ve synojnë një hap drejt ngritjes së vetëdijes dhe përmirësimit të aftësive për t’u përballur me sfidat e informacionit në kohën tonë.
