Në Mitrovica është zhvilluar info sesioni i radhës në kuadër të projektit “Countering Disinformation Narratives through Innovation and Experiential Learning”.
Gjatë këtij aktiviteti, pjesëmarrësit patën mundësinë të eksplorojnë mënyrat e identifikimit dhe përballjes me dezinformimin, duke kontribuar në thellimin e njohurive dhe në forcimin e përpjekjeve të përbashkëta kundër kësaj sfide në rritje.
Info sesioni solli një qasje praktike dhe interaktive, duke u dhënë pjesëmarrësve mjete konkrete për të analizuar dhe kundërshtuar përmbajtjet keqinformuese në hapësirën mediatike.
Ky projekt, i financuar nga Ambasada e Shteteve të Bashkuara në Kosovë, synon të fuqizojë komunitetet lokale, duke i ndihmuar jo vetëm të kuptojnë më mirë fenomenin e dezinformimit, por edhe të zhvillojnë aftësi dhe qëndrueshmëri për t’u përballur me të.
