Sot u lansua projekti “Hybrid Lab”, një iniciativë e re që synon të zhvillojë edukimin medial dhe të forcojë përpjekjet kundër keqinformimit në Kosova.
Ky projekt bashkon studentë të gazetarisë dhe shkencave sociale me studentë të shkencave kompjuterike, duke krijuar një platformë bashkëpunimi ndërdisiplinor mes fushave të ndryshme akademike.
Përmes kësaj nisme, të rinjtë do të punojnë së bashku për zhvillimin e mjeteve teknologjike të avancuara që ndihmojnë në identifikimin dhe dekonstruktimin e dezinformatave, duke kontribuar në forcimin e kapaciteteve për verifikimin e fakteve dhe analizën e përmbajtjeve mediatike.
“Hybrid Lab” synon të nxisë inovacionin dhe bashkëpunimin mes brezit të ri, si një hap i rëndësishëm në adresimin e sfidave të epokës digjitale.
