Sot, iniciativa “Balkan News Truck”, e sjellë nga hibrid.info, ka ndaluar në Pejë, duke e kthyer qytetin në një hapësirë interaktive për edukim mediatik dhe diskutim publik.
Përmes projeksioneve, kuizeve dhe bisedave të hapura, qytetarët patën mundësinë të eksplorojnë botën e lajmeve dhe informacionit nga një këndvështrim ndryshe. Aktivitetet synuan të nxisin mendimin kritik dhe të rrisin ndërgjegjësimin mbi mënyrën se si përmbajtjet mediatike krijohen dhe shpërndahen.
Ndalesa në Pejë vjen pas aktiviteteve të zhvilluara në Prizren dhe Mitrovicë, ndërsa udhëtimi i “Balkan News Truck” do të vazhdojë drejt Prishtinës, ku priten angazhime të reja me qytetarët.
Iniciativa “Balkan News Truck” zbatohet nga CFI – Agjencia Franceze e Zhvillimit të Medias, në partneritet me Fondacionin Metamorfozis për Internetin dhe Shoqërinë, dhe me mbështetjen e Ministrisë Franceze për Evropën dhe Punët e Jashtme, në kuadër të projektit “Shared Horizons”.
