Në titullin e artikullit e publikuar nga portali “Periskopi.com” për shtesat prej 100 eurove për punëtorët e sektorit privat, shkruan se “deri tani janë bërë 290 aplikime”.
Pas kontrollit të fakteve të kryer nga hibrid.info, vërtetohet që titulli i këtij artikulli është shkruar gabim, pasi në përmbajtje thuhet se, sipas zëdhënësi i Qeverisë Përparim Kryeziu, deri tani janë pranuar mbi 290 mijë aplikime për shtesat prej 100 eurove për punëtorët e sektorit privat.
“Deri më tani janë mbi 290 mijë aplikime për shtesat prej 100 euro për punëtorët e sektorit privat, teksa aplikimi vazhdon të jetë i hapur. Javën e kaluar është formuar komisioni për verifikimin e aplikimeve ndërkaq këtë javë ka filluar shqyrtimi i aplikimeve”, deklaroi Kryeziu.
Pjesë nga artikulli i publikuar në portalin “Periskopi.com”:
Qeveria kallëxon çka po ndodh me 100 eurot e sektorit privat: Deri tash mbi 290 aplikime
Qeveria e Kosovës ka pranuar mbi 290 mijë aplikime për shtesat prej 100 eurove për punëtorët e sektorit privat.
Kështu bëri të ditur zëdhënësi i Qeverisë, Përparim Kryeziu.
Vegëza e artikullit të publikuar në portalin “Periskopi.com”:
Analiza:
Portali “Periskopi.com” ka gabuar në titullin e këtij artikulli, duke pretenduar se 290 aplikime janë pranuar për shtesat prej 100 eurove për punëtorët e sektorit privat. Siç duket, autori i artikullit, në mënyrë të paqëllimshme, nuk e ka vendosur saktë numrin e aplikuesve.
Ndërsa në përmbajtje thuhet se zëdhënësi i Qeverisë, Përparim Kryeziu ka bërë të ditur se deri tani janë pranuar mbi 290 mijë aplikime për shtesat prej 100 eurove për punëtorët e sektorit privat.
Pas analizës së kontrollit të fakteve, hibrid.info këtë artikull të “Periskopi.com” e vlerëson si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
