Medium online me përmbajtje në shqip “Gazetablic.com”, ka publikuar një artikull me tiull “Qeveria shpërblen komunat që qeverisen nga VV, Kamenicën, Vitinë e Podujevën”.
Megjithatë, në titull pretendohet gabimisht se 3 komunat e përmendura, Kamenica, Vitia dhe Podujeva, udhëhiqen nga kryetar të Lëvizjes Vetëvendosje (LVV).
Artikulli bazohet në një raport të Institutit GAP nga Kosova – “Ligji për Buxhet 2022: Favorizimet dhe diskriminimet e komunave në investime kapitale?”, I publikuar këtë të enjte (26 maj).
Vegëza e artikullit të publikuar në “Gazetablic.com”:
Autori i artikullit duket se ka gabuar në titull, duke pretenduar që edhe komuna e Vitisë udhëhiqet nga LVV. Por, kjo komunë vazhdon të udhëhiqet nga kryetari Sokol Haliti, i cili vjen nga radhët e Lidhjes Demokratike të Kosovës (LDK). (shih këtu)
Lajm i ngjashëm është publikuar edhe nga disa media tjera online, porse jo me të njëjtin titull (këtu, këtu).
Analiza:
Bazuar në kontrollin e fakteve të bërë nga hibrid.info, rezulton që mediumi “Gazetablic.com” ka bërë një gabim kur i pretendon se tri komunat “Kamenica, Vitia dhe Podujeva” udhëhiqen nga LVV.
Bazuar në metodologjinë e hibrid.info, ky artikull, si rezultat i titullit, merr vlerësimin “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.