Disa portale informative dje dhe sot (15, 16 shtator) duket se gabimisht kanë publikuar një letër të hapur të vjetër (2020) të neuropsikiatrit Afrim Blyta, i cili atëkohë kishte kritikuar liderët e Kosovës.
Këtë letër të hapur, Blyta e kishte shkruar në korrik të vitit 2020 (bazuar në publikimin e saj në disa media online), ndërsa të njëjtën e kanë ri-publikuar gabimisht disa portale, duke e paraqitur si aktuale.
Artikulli i vjetër me pretendimin si aktual është publikuar nga portalet si “KlanKosova.tv”, “Epokaere.com” dhe “Paparaci.com”
I njëjti artikull është publikuar edhe nga portali “GazetaExpress.com”, por më pas është fshirë nga ueb-faqja dhe faqja zyrtare në Facebook.
Vegëzat e artikullit të publikuar në portalet “KlanKosova.tv”, “Epokaere.com”, “Paparaci.com” dhe “GazetaExpress.com”:
https://klankosova.tv/neuropsikiatri-afrim-blyta-nuk-arrin-ti-kuptoje-lideret-e-kosoves88/
Pas hulumtimit të kryer përmes makinave online të kërkimit, hibrid.info ka arritur të gjejë këtë artikull të publikuar në kohë reale (31 korrik 2020) në disa media online në Kosovë. (shih këtu dhe këtu)
Ky artikull i vjetër duket se gabimisht është paraqitur si aktual nga mediat online të lartcekura, duke mos pasur për synim keqinformimin e lexuesve. Por, pavarësisht kësaj, kjo mund të lë vend për dezinformim të audiencës.
Analiza:
Disa portale informative duket se gabimisht kanë publikuar një letër të hapur të neuropsikiatrit Afrim Blyta, e cila është e vjetër (2020).
Në këtë letër, Blyta kishte kritikuar atëkohë liderët e Kosovës. Publikimi i këtij artikulli të vjetër, me pretendimin të paraqitet si aktual, mund t’i dezinformojë lexuesit.
Bazuar në metodologjinë e punës, hibrid.info e vlerëson këtë publikim të mediave si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.