Portali informativ “Kosova-sot.info” ka publikuar dje (23 shtator) një artikull me titull “Ambasadori gjerman: Liberalizimi i vizave për Kosovën këtë vit!”.
Pas verifikimit të fakteve të kryer nga hibrid.info, është vërtetuar se titulli i këtij artikulli është i shkruar gabim.
Në përmbajtje të artikullit gjendet pjesë nga intervista e ambasadorit gjerman në Kosovë, Joern Rohde, dhënë për emisionin “Info Plus” në RTK.
Rohde i pyetur për liberalizimin e vizave, ishte përgjigjur shkurt: “them se po, do të zgjidhet kjo çështje në shkurt e mars”.
Pra, ambasadori gjerman nuk ka thënë se liberalizimi i vizave do të ndodhë këtë vit, siç pretendohet gabimisht në titullin e artikullit të publikuar në “Kosova-sot.info”.
Vegëza e artikullit të publikuar në portalin “Kosova-sot.info”:
Pjesë nga artikulli i publikuar në “Kosova-sot.info”:
Ambasadori gjerman në Kosovë, Jorn Rohde, ka treguar se kur mund të ndodhë liberalizimi i vizave për Kosovën.
I pyetur nëse do të hiqen regjimi i vizave në fillim të vitit të ardhshëm; konkretisht në muajt shkurt ose mars, Rohde dha një përgjigje të shkurtër por pozitive.
“Përgjigja më e shkurtë nga pikëpamja e tanishme është po”, tha a.
Pas hulumtimit të kryer përmes makinave online të kërkimit, hibrid.info ka arritur të gjejë artikullin autentik të publikuar në portalin “rtklive.com”. Intervistën e plotë të ambasadorit Rohde dhënë për emisionin “Info Plus” në RTK mund ta gjeni këtu.
Analiza:
Portali “Kosova-sot.info” ka publikuar një artikull me disa pjesë nga intervista e ambasadorit gjerman në Kosovë dhënë për RTK-në, i cili ishte shprehur se çështja e liberalizimit të vizave do të zgjidhet në shkurt e mars.
Mirëpo, ky portal i lartcekur në titull duket se gabimisht ka pretenduar se ambasadori gjerman ka premtuar se vizat do të hiqen këtë vit.
Bazuar në metodologjinë e punës, hibrid.info e vlerëson këtë artikull si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
