“kosova-sot.info” ka publikuar një artikull me titull “Ilaçi shtëpiak, që parandalon bakterin Escherichia coli”.
Në këtë artikull paraqitet receta e ilaçit për të mposhtur bakterin “Escherichia coli”, të cilin siç aludohet, mund të përgatitet në kushte shtëpie. Megjithatë, këtij artikulli i mungon burimi i informacioni dhe referencat e studimit të parafrazuar.
Teksti i artikullit të publikuar nga “Kosova Sot”:
Bakteri “Escherichia coli”, në mënyrë natyrale gjendet në zorrën e trashë, ku është e domosdoshme në parandalimin e përhapjes të baktereve të këqija. Mirëpo, kur të shfaqet diku tjetër në organizëm, mundet të shkaktojë telashe. Në rastet më të shpeshta shkakton telashe në traktin urinar, duke shkaktuar edhe infeksion në fshikëzën e urinës dhe vështirësi të ngjashme. Në kanalet e urinës, pikërisht shkaku i këtij bakteri shfaqen infeksione të ndryshme, e mjekësia shpeshherë nuk ia del ta shërojë apo përmirësojë këtë problem. Në vijim ju paraqesim recetën e ilaçit, të cilin mund ta përgatitni në shtëpinë tuaj dhe ta ruani trupin nga “goditja” me antibiotik
PËRBËRËSIT:
– 1 litër verë të bardhë – 3 deri 4 gjethe të rozmarinës – 10 thelb të hudhrës
PËRGATITJA:
Hudhrën e imtësoni, e shtoni në verë e më pas shtoni edhe rozmarinën. Të gjithë këta përbërës për dhjetë ditë rresht le të qëndrojnë ashtu në temperaturën e dhomës. Kohë pas kohe ta përzieni kavanozin. Personat e rritur le të përdorin një lugë të madhe, ndërsa fëmijët le të përdorin një lugë të vogël të çajit, çdo mëngjes në lukth të zbrazët. Ky ilaç le të përdoret për dyzet ditë rresht, e më pas bëni një pauzë dhe vizitoni mjekun për një kontroll.
Vegëza e artikullit të publikuar nga “Kosova Sot”:
Analiza:
Artikullit të publikuar nga Kosova Sot i mungon burimi i informacionit, që tregon saktë se nga është marrë ky studim. Ky lajm mund të jetë i vërtetë, por përderisa i mungojnë referencat që qartësojnë se nga cili studim apo hulumtim është marrë ky ilaç, atëherë artikulli kategorizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.