GazetaMetro.net ka publikuar një artikull me titull “Pse disa njerëzve u duhet kohë e gjatë për ta marrë veten pasi të shërohen nga koronavirusi?”.
Në këtë artikull ky portal përmend disa mjekë, të cilëve nuk u përmendet emri, si dhe shkruan për disa simptoma tjera që shfaqen nga virusi Korona. Megjithatë, në këtë shkrim mungon burimi i informacionit dhe nuk dihet se nga cili studim janë marrë këto fakte.
Pjesë nga artikulli i publikuar në GazetaMetro.net:
Për disa raste më të rënda të COVID-19, mjekët thonë se shërimi i të infektuarve mund të zgjasë deri në gjashtë javë.Sidoqoftë, gjithnjë e më shumë njerëz po thonë se vazhdojnë të kenë simptoma për javë ose muaj edhe pasi kanë menduar se janë shëruar.
Ky fenomen është përhapur aq shumë, saqë tani i është dhënë emri: “COVID i gjatë”. Nuk ka asnjë përkufizim mjekësor ose listë të simptomave të njëjta për të gjithë pacientët – dy persona me COVID-19 të gjatë mund të kenë përvoja shumë të ndryshme, por forma më e zakonshme e këtij virusi është lodhja dhe plogështia e përgjithshme.
Simptoma të tjera përfshijnë gulçim, kollë të vazhdueshme, dhimbje të kyçeve, ngërçe muskulore, probleme të dëgjimit dhe shikimit, dhimbje koke, humbje e shijes dhe nuhatjes si dhe dëmtime të zemrës, mushkërive, veshkave dhe zorrëve.
Vegëza e artikullit të publikuar në GazetaMetro.net:
Analiza:
Në këtë artikull mungon burimi i informacionit, që do të tregonte qartë se nga është marrë ky studim. Raporte të tilla shpesh keqinterpretojnë ose manipulojnë kërkimet shkencore ekzistuese. Ky shkrim kategorizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.