Portali i dyshimtë “todaynews35.com” ka publikuar një artikull me titull “Ekskluzive – Kërkohet arr estimi i kryeministrit Avdullah Hoti”.
Pas analizës së kontrollit të fakteve nga hibrid.info, rezulton se i njëjti pretendim të jetë bërë edhe më parë, i publikuar në korrik të vitit të kaluar.
Përderisa në titull lë të kuptohet se ka ndonjë vendim zyrtar për urdhër-arrest të Hotit nga ndonjë institucion relevant, në përmbajtje paraqitet vetëm një akuzë nga opinionisti Rron Gjinovci. Pra, titulli i këtij duket të jetë bërë me tendencë dhe, njëkohësisht, nuk i përgjigjet përmbajtës së artikullit.
Teksti i artikullit të publikuar në portalin e dyshimtë “todaynews35.com”:
Ekskluzive – Kërkohet arr estimi i kryeministrit Avdullah Hoti
Aktivisti i shoqërisë civile Rron Gjinovci, ka kërkuar arr estimin e kryeministrit të Kosovës Avdullah Hotit.
Gjinovci në një postim në Fa cebook, ka thënë se Hoti duhet të arr estohet si i dy shuar për vd -‘ekjet e javëve të fundit nga Ko ronavirusi në Kosovë, përcjell Bota sot.
Re agimi i tij vjen, pasi kryeministri Hoti, ka p aralajmëruar se mund të shpa llet gjendja e ja shtëzakonshme në Kosovë, pas rritjes së ra steve me Co vid-19 në vend.
“Tashmë u bë krejtësisht e qartë që kryeministri Hoti me që llim nuk ka marrë masa për me shpalle gjendjen e ja shtëzakonshme. Prokuroria duhet me arr estu si të dyshuar për vd -‘ekjet e javëve të fundit”, ka shkruar Gjinovci në Fa cebook.
Vegëza e artikullit të publikuar në “todaynews35.com”:
I njëjti artikull me titull të njëjtë është publikuar në korrik të vitit 2020 nga portali “BotaSot.info”:
Vegëza e artikullit të publikuar në “BotaSot.info”:
https://www.botasot.info/aktuale-lajme/1332043/kerkohet-arrestimi-i-kryeministrit-avdullah-hoti/
Analiza:
Pretendimi i bërë përmes titullit nxitës i publikuar nga portali i dyshimtë “todaynews35.com”, në bazë të kontrollit të fakteve, është konstatuar se është ri-publikim, meqenëse i njëjti është publikuar në korrik të vitit të kaluar nga “Botasot.info”. Pra i njëjti artikull me titull tendencioz po vazhdon të qarkullojë ende në hapësirën digjitale. Titulli i këtij artikulli vërehet qartë se është bërë në atë mënyrë që të nxis lexuesit të klikojnë artikullin, përmbajtja e së cilit paraqitet të jetë ndryshe. Për këtë arsye, ky artikull vlerësohet si “Clickbait”.
Arsyetimi:
Vlerësimin si “Clickbait” e marrin ato tekste titulli i të cilave nuk ka asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
