Portali i dyshimtë “gjithckafresh.info” ka publikuar një artikull me titull ‘Mustafa: Kemi bërë shumë mirë që e heqëm LVV-në nga Qeveria, kjo parti s’punon për POPULL!’.
Ky shkrim përmban titull dhe përmbajtje të rreme. Përkundër verifikimit dhe hulumtimit përmes makinave të kërkimit, hibrid.info nuk ka arritur të gjejë asnjë deklaratë të tillë nga Isa Mustafa dhe se ky tekst është i gjithi rezulton të jetë i sajuar.
Teksi i plotë i artikullit të publikuar nga gjithckafresh.info:
Mustafa: Kemi bërë shumë mirë që e heqëm LVV-në nga Qeveria, kjo parti s’punon për POPULL!
Kryetari I LDK-së, Isa Mustafa në një prononcim për media dje u shprehë se është I gëzuar që e kanë larguar nga qeveria Lëvizjen Vetëvendosje. Sipas tij, partia e Albin Kurtit po I bënte dëm vendit..
“Kemi bërë shumë mirë që I kemi hequr nga Qeveria. Ata vetëm po i bënin dëm vendit. Albin Kurti ka lidhje me Serbi, unë e kam… – nd1.qen1 v1d.e0onn ne hap.s1ren e me.po0shtme:
Vegëza e artikullit të publikuar nga gjithckafresh.info:
Analiza:
Artikulli përmban titull dhe përmbajtje të sajuar. Me këtë lloj të shkrimeve, ky portal i dyshimtë dezinformon qëllimshëm lexuesin dhe me anë të klikimeve përmes rrjeteve sociale, synon që të përfiton materialisht. Hibrid.info e kategorizon këtë artikull si “lajm i rremë”, “dezinformatë” dhe “clickbait”.
Vlen të potencohet se në bazë të vëzhgimit, është parë që portali i dyshimtë gjithckafresh.info, artikujt i shpërndanë në faqen e Facebook-ut me emrin “Gazeta Aktive”, e cila numëron mbi 70 mijë ndjekës.
Arsyetimi:
Lajm i rremë – Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara. Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
