Kategoritë: #Manipulim i fakteve; #Përmbajtje e pa verifikuar; #Dezinformatë
Ish zëvendës kryeministri i Kosovës, Haki Abazi, me datën 4 gusht ka postuar një fotografi në profilin e tij zyrtar në Facebook, me mbishkrimin “Berlini si Zurich tregon fuqinë qytetare në demokraci”.
Më vonë, sipas raportimit të mediave vendore dhe atyre ndërkomëtare, i njëjti postim është larguar nga vetë kjo platformë me arsyetimin se fotografia e bashkangjitur në këtë postim, nuk i përshtatet përmbajtjes së postimit, duke e cilësuar si një “informatë të falsifikuar”, të identifikuar nga disa hulumtues (fact-checkers) të pavarur.
Postimi i Haki Abazit:
Raportimet në mediat vendore dhe ndërkombëtare rreth këtij postimi:
Në mediat vendore, postimi i Abazit është paraqitur si përpjekje për të ilustruar një protestë në Berlin, me një fotografi që nuk përputhet me ngjarjen që ky zyrtar i Vetëvendosjes ka pretenduar ta ilustrojë.
Foto e postuar, në fakt paraqet edicionin e vitit 2019 të festivalit të muzikës në rrugë të mbajtur në Zurich, Zvicër. Një lajm i tillë është publikuar edhe në media ndërkombëtare, por pa e apostrofuar emrin poseduesit të llogarisë përkatëse.
Fact check: Photo shows 2019 music event in Zurich, not coronavirus protest in Berlin
Verifikimi:
Pas një analize të detajuar nga hibrid.info del se Abazi, përmes kësaj foto, me gjasë ka dashur ta ilustrojë një protestë të mbajtur në Berlin më 1 gusht kundër masave mbrojtëse ndaj shpërndarjes së Covid-19, duke krahasuar atë me protestat të mbajtura për të njëjtën arsye në Bern më 10 maj të këtij viti.
Arsyetimi:
Dezinformatë – autori i lajmit ka publikuar një foto që nuk e vërteton njoftimin e pretenduar përmes postimit.
Përmbajtje e pa verifikuar – autori i ka shkruar përmbajtje duke mos pasur argumentime që plotësojnë atë.
Manipulim i fakteve – autori ka përdorur informacion të saktë për të nxjerrë përfundime ose pretendime të pasakta.
