GazetaExpress.com ka publikuar një artikull të vjetër me titull “Pesë gjërat fantastike që bën truri, kur jeni në gjumë!”.
Në përmbajtjen e tij shkruan për pesë gjërat e jashtëzakonshme që bën truri ndërkohë që jemi në gjumë. Megjithatë, këtij artikulli i mungon burimi i informacionit, si dhe përmenden disa ekspertë, të cilëve nuk u përmendet emri.
Pjesë nga teksti i publikuar në GazetaExpress.com:
Pavarësisht domosdoshmërisë së tij, ekspertët akoma janë të paqartë mbi nevojën për gjumë të organizmit, ndërkohë që truri nuk fle, përkundrazi punon me një furi të paparë. Sipas ekspertëve, gjatë gjumit, neuronet e trurit janë në pikën e punës dhe kjo është kritike për funksionet e tij kur të zgjohemi. Në këtë artikull do të mësoni për 5 gjërat e jashtëzakonshme që bën truri ndërkohë që jemi në gjumë.
Vegëzat e artikullit të publikuar nga disa media online:
Shkrime të tilla hasim shumë në mediat online në gjuhën shqipe, të cilët përmendin fakte shkencore duke mos iu referuar asnjë studimi apo hulumtimi.
Analiza:
Artikulli nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Hibrid.info e kategorizon këtë tekst si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
