Sot (31 maj) është publikuar një artikull nga medium “arbresh.info”, me titull “Tensionet në veri, Rama: Ushtria e Serbisë me atë të Kosovës, ka zero fuqi”.
Përmbajtja e artikullit ndërlidhet me një deklaratë të Edi Ramës, kryeministër i Shqipërisë, në panelin e Forumit “Globsec” që po mbahet në Bratislavë të Sllovakisë.
Por, pas verifikimit të fakteve, hibrid.info ka gjetur se titulli i artikullit nuk korrespondon me përmbajtjen.
Vegëza e artikullit të publikuar në “arbresh.info”:
Pjesë nga deklarata e Ramës e marrë nga artikulli i “arbresh.info”:
Rama në fjalimin e tij ka folur edhe për gjendjen e tensionuar në veri të Kosovës.
“Ushtria serbe në kufi është shfaqja më e pabesueshme e politikës së brendshme, sepse ushtria serbe në kufi të Kosovës ka fuqi të barabartë me zero. Nuk mund të bëjë asgjë. Ka të bëjë vetëm me politikën e brendshme”, tha Rama.
Përderisa në titull pretendohet se në deklaratën e Ramës ka krahasim sa i përket fuqisë ushtarake ndërmjet Kosovës dhe Serbisë, në përmbajtje shihet se i njëjti ka komentuar dhe vlerësuar si “të barabartë me zero” fuqinë e ushtrisë serbe në kufijtë e Kosovës, pa bërë krahasim në mënyrë specifike me ndonjë ushtri tjetër.
Për të vërtetuar edhe më shumë se Edi Rama nuk ka deklaruar në mënyrën se si pretendohet në titull, hibrid.info e ka gjetur të publikuar këtë deklaratë edhe në media të tjera (shih këtu dhe këtu).
Analiza:
Është publikuar një artikull me titull që pretendon se “Edi Rama ka vlerësuar si të barabartë me zero, fuqinë e ushtrisë serbe përballë asaj të Kosovës”.
Pas hulumtimit, hibrid.info ka vërtetuar se kryeministri shqiptar ka deklaruar se fuqia e ushtrisë serbe në kufijtë e Kosovës, është e barabartë me zero.
Bazuar në metodologjinë e punës, hibrid.info e vlerëson këtë artikull si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.