Në një fotografi me ndërhyrje të manipuluar, pretendohet të paraqiten presidentit serb, Aleksandar Vuçiq dhe kryeministrit të Kosovës, Albin Kurtit, përkrah njëri-tjetrit
Në atë fotografi shihet se si, përmes editimit të imazheve, janë vendosur portretet e këtyre dy figurave politike.
Hibrid.info e ka hasur këtë fotografi në një koment të një lexuesi në postimin e një media online.
Ky lexues, në postimin e kësaj fotografie ka shtuar edhe komentin “JARANAT E VJETER”.
Pas hulumtimit të kryer përmes programit të automatizuar online “InVID” për kontroll faktesh, hibrid.info ka gjetur fotografinë reale, në të cilën gjendet Albin Kurti së bashku me ministrin e Jashtëm të Greqisë, Nikos Dendias.
Pra, është larguar fytyra e Dendias, duke u zëvendësuar me atë të Vuçiqit.
Vegëza e postimit:
Komenti me këtë fotografi është lënë në artikullin e publikuar nga “Demokracia.com”, në të cilin gjendet një deklaratë e kryediplomatit të BE-së, Josep Borrell, i cili përmes një llogarisë së tij në Twitter kishte reaguar pas nisjes së heqjes së barrikadave në veri.
Pas hulumtimit përmes makinave online të kërkimit, hibrid.info ka arritur të gjejë fotografinë autentike në të cilën shihen Kurti dhe Dendias, e cila është publikuar në disa media online në Kosovë. (shih këtu dhe këtu)
Analiza:
Një fotografi po qarkullon në rrjetin social Facebook, në të cilën shihet Kurti dhe Vuçiq krah për krah njëri-tjetrit.
Mirëpo, pas hulumtimit të kryer përmes programit të automatizuar online “InVID” për kontroll faktesh, hibrid.info ka vërtetuar se kjo fotografi është e montuar. Në fotografinë autentike shfaqet Kurti së bashku me ministrin e Jashtëm të Greqisë, Nikos Dendias.
Pas analizës së kontrollit të fakteve, hibrid.info e vlerëson këtë fotografi si “Mashtrim”.