Portali “kosova-sot.info” dje (25 gusht) ka publikuar artikullin me raportin e Ministrisë së Shëndetësisë, i cili tregon shifrat brenda 24 orëve për rastet e reja me virusin Korona dhe numrin e të vaksinuarëve.
Kosova-sot.info ka gabuar në titullin e këtij artikulli, duke pretenduar se numri i të vdekurve si pasojë e virusit Korona brenda 24 orëve ka shkuar në 12. Por, hibrid.info gjatë kontrollit të fakteve ka konstatuar se numri i saktë është 14.
Ministria e Shëndetësisë çdo ditë në ora 15:00 raporton për raportin 24 orësh, ndërsa edhe në atë të datës 25 gusht tregon se numri i të vdekurve është 14, e jo 12 siç pretendohet në titullin e artikullit të “kosova-sot.info”.
Pjesë nga teksti i artikullit të publikuar nga “kosova-sot.info”:
12 të vdekur dhe 2 mijë e 541 raste të reja me COVID-19 në Kosovë
Në 24 orët e fundit në Kosovë janë regjistruar edhe 14 viktima si pasojë e COVID-19.
Gjatë kësaj kohe janë raportuar edhe 2 mijë e 541 raste të reja të infektuara me këtë virus.
Kështu është bërë e ditur nga Ministria e Shëndetësisë.
Vegëza e artikullit të publikuar në “kosova-sot.info”:
https://www.facebook.com/kosovasotnr1/posts/202315305265938
Më poshtë mund të gjeni vegzën e raportit të Ministrisë së Shëndetësisë:
https://www.facebook.com/kosovasotnr1/posts/202315305265938
Analiza:
Portali “kosova-sot.info” ka gabuar në numrin e të vdekurve nga COVID-19 për 24 orët e fundit. Në këtë artikull thuhet se 12 persona kanë rezultuar pozitiv, ndërsa në raportin 24 orësh të Ministrisë së Shënetësisë thuhet se janë raportuar 14 raste të vdekjes me SARS CoV-2 pozitiv.
Pas analizës së kontrollit të fakteve, hibrid.info këtë artikull të “kosova-sot.info” e vlerëson si “gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.