Iluzionisti nga Shqipëria, Nadir Mura, i cili ka qenë edhe autor i emisionit “Enigma” në Top Channel, ka publikuar sot (31 tetor) një video-material si storje në llogarinë e tij në Facebook.
Videoja e publikuar paraqet pamje nga konflikti në Palestinë me mbishkrime të cilat paraqesin opinionet e publikuesit rreth situatës.
Por pas verifikimit nga hibrid.info, është vërtetuar se njëra nga pamjet e shfaqura nuk lidhet me konfliktin aktual Hamas-Izrael.
Vegëza e storjes së publikuar në Facebook nga Nadir Mura:
https://www.facebook.com/stories/143666443998868/UzpfSVNDOjY0OTI2ODgxNDA0NTA3MA==?view_single=false
Autori i publikimit ka komentuar pamjet duke pretenduar se ato paraqesin situatën e popullit palestinez ndikuar nga konflikti i fundit.
Pamja e parë e këtij video materiali shfaq një numër të madh tendash të vendosura në një hapësirë tokësore, për të cilat pretendohet se paraqet palestinezët të cilët kanë humbur shtëpitë e tyre.
Por, pas hulumtimit përmes programit të automatizuar “InVID”, hibrid.info ka gjetur se pamja në fjalë shfaq momente nga kremtimi i “Ditës së Shlyerjes” e njohur në gjuhën hebreje si “Yom Kippur”. (shih këtu)
Nuk dihet se cilin vend shfaqin këto pamje, por në bazë të titullit, video-materiali i gjetur në Youtube, i publikuar me datë 23 shtator, paraqet momente të festimit të ditës më të shenjtë judaiste. (shih këtu)
Analiza:
Iluzionisti nga Shqipëria, Nadir Mura ka publikuar video-material në Facebook, me anë të së cilës në një pjesë të tij pretendon të paraqesë palestinezët që kanë humbur shtëpitë e tyre gjate konfliktit të fundit.
Por pas verifikimit nga hibrid.info është vërtetuar se pamja e zgjedhur për të paraqitur pretendimin e paraqitur më lart, është marrë nga kremta e një dite të konsideruar e shenjtë në judaizëm.
Andaj bazuar në metodologjinë e punës, hibrid.info e vlerëson këtë artikull si “Përmbajtje e pa verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
