Disa media të dyshimta në Kosovë kanë shpërndarë një lajm, përmes së cilit aludohet se deputeti i PDK-së, Bekim Haxhiu të ketë thënë se “rroga minimale do të jetë 800 euro”, në rast se partia e tij rikthehet në pushtet.
Pas hulumtimit të bërë nga hibrid.info, në mediat online dhe profilin e tij në Facebook, del që deputeti i PDK-së të mos e ketë bërë asnjëherë një deklaratë të tillë.
Teksti origjinal i publikuar në disa media të dyshimta:
Haxhiu: ‘Kur të vjen PDK-ja në pushtet, rroga minimale do të jetë 800 euro’ nga data.. – (VIDEO)
Haxhiu: ‘Kur të vjen PDK-ja në pushtet, rroga minimale do të jetë 800 euro.’
Deputeti i PDK-së, Bekim Haxhiu gjate intervistes se mbremshme ka dhene premtime te medha nese partia e tij fiton zgjedhjet e ardhshme. Haxhiu u shpreh se menjehere do te hapen rreth 220 mijë vende te punes.
Vegëzat e artikullit të botuar në disa media:
Analizë:
Lajmi i publikuar dhe i shpërndarë nga mediumet e paraqitura më lartë del të jetë i pa vërtetë. Pas hulumtimit të hibrid.info në makinat kërkuese dhe në rrjete sociale, nuk është arritur të gjendet një deklaratë e tillë dhe as e përafërt e deputetit Haxhiu. Ky lajm karakterizohet si “Lajm i rremë”, “Shpërndarje e lajmit të rremë”, “Dezinformatë” dhe “Clickbait”.
Arsyetimi:
Lajm i rremë –Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
Shpërndarje e lajmeve të rreme – Ky vlerësim u jepet raporteve të mediave në të cilat transmetohet përmbajtja origjinale e një mediumi tjetër, i cili përmban një lajm të rremë. Vlerësimi jepet vetëm për transmetimin e përmbajtjes që kategorizohet si lajm i rremë.
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
