Llogaria në TikTok me emrin “lumjanana009” ka publikuar dje (16 mars) një video-material të shkurtër (15 sekonda) me imazhin e këngëtarit Sabri Fejzullahu, në të cilën ka vënë mbishkrimin “VDES KËNGËTARI SABRI FEJZULLAHU NGUSHLLIME FAMILJES”.
Pas verifikimit të fakteve të kryer nga hibrid.info, është vërtetuar se ky pretendim i bërë nga llogaria e lartcekur, është i rremë.
Kjo u vërtetua përmes kontrollit të profilit zyrtar të këngëtarit në median sociale “Instagram”. Sot më datë 17 mars (rreth një orë më herët) në profilin e tij, Sabri Fejzullahu ka postuar një njoftim (story) rreth një koncerti që ai pritet ta mbajë nesër (18 mars) në Belgjikë.
Vegëza e video-materialit të publikuar në TikTok nga llogaria “lumjanana009“
Ky video material ka arritur të grumbullojë mbi 650 mijë shikime. (shih fotografinë më poshtë)
Sot (17 mars) Sabri Fejzullahu në llogarinë e tij në Instagram “sabrifejzullahuofficial” ka njoftuar se janë shitur të gjitha biletat për koncertin që ai pritet ta mbajë nesër (18 mars) në Belgjikë. (shih këtu)
Gjithashtu, mungojnë njoftime zyrtare për një pretendim të tillë, të cilat do të ndodhin, duke e ditur se këngëtari në fjalë është fytyrë publike.
Njoftime për një pretendim të tillë të bërë nga llogaria “lumjanana009” në TikTok mungojnë edhe në profilet e djali i tij (këtu dhe këtu), këngëtarit Ermal Fejzullahu.
Analiza:
Llogaria “lumjanana009” në TikTok ka pretenduar rrejshëm dje (17 mars) se këngëtari Sabri Fejzullahu ka ndërruar jetë.
Se ky pretendim është i rremë, u vërtetua përmes llogarisë personale të këngëtarit, i cili sot (17 mars) ka publikuar një njoftim rreth një koncerti që pritet ta mbajë nesër (18 mars) në Belgjikë.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
