Një llogari në Facebook që publikon përmbajtje në gjuhën shqipe, ka postuar me date 4 nëntor një imazh ku shihen disa pjesë të trupit të një personi nën gërmadhat e një ndërtese.
Nëpërmjet kësaj fotografie pretendohet se paraqitet realiteti në Gaza.
Pas analizimit të fotografisë vërehen detaje që nuk përkojnë me një fotografi reale dhe e njëjta tregon shenja të Inteligjencës Artificiale.
Vegëza e postimit të publikuar në Facebook nga faqja “Mesxhid El-Aksa”:
Pasi të analizohet fotografia nga afër vërehet se pantallonat në trupin e atij personi janë në gjendje të mirë, përkundër që i njëjti shfaqet nën gërmadha.
Hibrid.info ka analizuar fotografinë me aplikacione që identifikojnë përmbajtjet e gjeneruara me inteligjencë artificiale. Pas analizës së kryer nga hibrid.info nëpërmjet aplikacionit Hive Motivation rezulton që imazhi është prodhuar 99.9 për qind me inteligjencë artificiale. (shih këtu)
Edhe pas hulumtimit të kryer përmes makinave online të kërkimit, nuk është gjetur ndonjë rezultat që përputhej me imazhin e që është publikuar nga mediat që mbulojnë konfliktin aktual Hamas-Izrael.
Analiza:
Nëpërmjet një fotografie ku shihen disa pjesë të trupit të një personi nën gërmadhat e ndërtesave, pretendohet se paraqitet realiteti në Gaza.
Pas analizimit të fotografisë nga afër vërehen shenja të caktuara që sugjerojnë që imazhi është krijuar me Inteligjencë Artificiale.
Bazuar në metodologjinë e punës, hibrid.info e vlerëson këtë imazh si “Përmbajtje e pa verifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.