Fatbardh Dema

Udhëheqës i njësitit për Kontroll të Fakteve

Fatbardh Dema, përgjegjës i kontrollit dhe verifikimit të Fakteve (Fact-Checking) në hibrid.info, ka një dekadë përvojë në media dhe koordinim projektesh. Me diplomë gazetarie në Kolegjin AAB, ai njihet për punën e tij si gazetar dhe redaktor në Kosovë. Përmes trajnimeve të gjera, ai është specializuar në kontrollimin e fakteve dhe zbulimin e informacioneve tw pasakta, si në nivel lokal ashtu edhe ndërkombëtar.

Festim Rizanaj

Hulumtues, përgjegjës për artikuj edukues dhe për Kosovofacts.com

Festim Rizanaj është i angazhuar si hulumtues në hibrid.info. Ai ka përfunduar studimet e doktoratës në Shkencat e Komunikimit dhe Gazetarisë në Departamentin e Gazetarisë – Universiteti Anadolu (Anadolu University), Turqi. Ai është i angazhuar si bashkëpunëtor i jashtëm në Departamentin e Gazetarisë në Universitetin e Prishtinës. Rizanaj ka botuar artikuj dhe ka marrë pjesë në konferenca të ndryshme kombëtare dhe ndërkombëtare në fushën e medias. Ka të botuar një libër studimor në gjuhën turke mbi strategjitë narrative të transmetuesve ndërkombëtar në diplomacinë publike. Interesi i tij kërkimor është në, mediat online, kontroll të fakteve (fact-checking), diplomaci publike dhe digjitale.

Endrit Berisha

Kontrollues i fakteve

Endrit Berisha është i angazhuar në Hibrid si kontrollues i fakteve. Endriti ka më shumë se një dekadë përvojë në sektorin e medias digjitale. Si i ri ka nisur punën me fokus në rrjete sociale, para se të kalonte me përgjegjësi të plota në gazetari dhe redaktim. Vëmendja e tij e plotë është në lajmin e bazuar mbi fakte. Pavarësisht përvojës, Endriti është i dhënë që të mësojë gjëra të reja në sektorin e kontrollit të fakteve.

Xhemajl Avdyli

Menaxher projektesh, angazhim të pjesshëm në redaktim

Xhemajl Avdyli është një profesionist me përvojë të gjerë në Menaxhimin e Projekteve, Marrëdhëniet me Publikun, dhe Redaktim. Ai ka mbajtur role të rëndësishme në Hibrid.info, duke përfshirë pozitën e redaktorit dhe aktualisht mban pozitën si Menaxher i Projekteve. Me master në shkenca sociale, Xhemajli sjellë kuptim të komunikimit dhe të kulturës në punën e tij. Përkushtimi i tij ndaj projekteve me ndikim është i dukshëm, veçanërisht në Hibrid.info, ku ai përdor ekspertizën e tij për ta nxitur inovacionin dhe për t’i ndihmuar ndryshimet pozitive brenda organizatës.

Albijona Gashi

Kooridnatore projektesh dhe menaxhere e Administrates

Albijona Gashi është një profesioniste e shquar në menaxhim dhe shitje, me njohuri të thella në financat digjitale dhe strategjitë moderne të marketingut. Diplomuar në Universitetin për Biznes dhe Teknologji në Prishtinë dhe e certifikuar në Softuerin e Llogarisë Prodata Plus, ajo gëzon një bazë të fortë të praktikave tradicionale dhe digjitale të biznesit. Me përvojë prej 7 vjetësh në sektorin publik të Kosovës, Albijona shquhet për aftësitë e saj të komunikimit dhe për vëmendjen që kushton detajeve. E përkushtuar për të arritur rezultate cilësore në çdo ambient profesional, ajo është një vlerë e çmuar në ekipin e saj.

Zojë Sadiku

Copywriter dhe Social Media Manager

Zoja iu bashkua ekipit të hibrid.info si copywriter dhe social media manager. Ajo ka diplomuar në Departamentin e Gazetarisë në Universitetin e Prishtinës “Hasan Prishtina”. Fillimisht ka punuar si gazetare në disa portale informative në Kosovë, mandej ka vazhduar si content-creator në platforma të njohura vendore. Zoja e di rëndësinë që ka edukimi medial, andaj është e përkushtuar të krijojë përmbajtje të cilat ndihmojnë në ngritjen e vetëdijes në shoqërinë tonë.

Blerina Rexhaj-Dreshaj

Menaxhere e Financave

Si një profesioniste i certifikuar në fushën e kontabilitetit, me më shumë se 10 vite përvojë në rikonsultim të llogarive bankare dhe planifikim financiar, Blerina ka eksperiencë të gjerë në sektorë të ndryshëm duke përfshirë kompanitë, organizatat jofitimprurëse (OJQ) dhe shoqatat. Gjatë rrugëtimit profesional, ka treguar një nivel të lartë të motivimit dhe përkushtimit ndaj sigurimit të raporteve të sakta dhe shërbimeve të cilësisë së lartë në mjedise të ndryshme organizative. Blerina wshtw udhwheqwse e sektorit tw financave qw pwrfshinw mbykqyrjen, menaxhimin dhe planifikimin buxhetor nw ADS dhe programet e organizatës.

Etrit Rexhepi

Kontrollues i fakteve - Intern

Etrit Rexhepi është i angazhuar në hibrid.info si kontrollues i fakteve në kuadër të programit të UNV-së (United Nations Volunteer) si pjesë e projektit për luftën ndaj dezinformatave. Ai është në vitin e fundit të studimeve në Departamentin e Gazetarisë në Universitetin e Prishtinës. Ndonëse i ri në profesonin që ushtron, Etriti posedon dëshirën për të mësuar çdo ditë gjëra të reja në fushën e kontrollit të fakteve. Po ashtu, ai ka marrë pjesë në disa trajnime e punëtori.

Elona Selmani

Kontrolluese e fakteve

Ishte pjesë e ekipit të Hibrid.info si fact-checker(kontrolluese e fakteve). Elona ka përfunduar studimet e nivelit Bachelor në Departamentin e Gazetarisë në Universitetin e Prishtinës, ndërsa tani është në vitin e parë të studimeve Master në Gazetari&Marrëdhënie me Publikun. Gjatë studimeve Bachelor ajo kreu një semestër jashtë vendit në Poloni, dhe përfaqësoi UP- në në Kongresin Global për Media në Emiratet e Bashkuara Arabe. Aktualisht po përfundon një semestër në Humboldt University në Berlin, Gjermani. Studimet dhe eksperienca e saj në trajnime dhe punëtori të ndryshme lidhur me edukimin medial dhe gazetarinë në përgjithësi kanë bërë që ajo të kuptojë rëndësinë e një platforme për fact-checking dhe të japë më të mirën e saj në këtë fushë.