Portali “Arbresh.info” ka publikuar një artikull rreth ndikimit që ka mungesa e disa vitaminave në pagjumësi.
Mirëpo, artikullit me titull “Mungesa e këtyre vitaminave në trup shkakton pagjumësi”, i mungon burimi i informacionit që tregon qartë se nga është marrë ky studim.
Vegëza e artikullit të publikuar në Arbresh.info:
Shkrime të tilla me këshilla mjekësore, që nuk posedojnë referenca dhe as burim të informacionit, mund të hasen shpesh në mediat online që operojnë në tregun mediatik në gjuhën shqipe. Të njëjtit artikuj shpërndahen bruto (copy/paste) nga këto media dhe mund të keq-informojnë lexuesit.
Analiza:
Ky shkrim nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst rreth mungesës së disa vitaminave në trup që shkaktojnë pagjumësi, nuk janë të verifikuara. Ky artikull kategorizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.