Portali “Arbresh.info” ka publikuar një artikull për ftoin, duke pretenduar se konsumimi i tij parandalon sëmundjet infektive.
Brenda në artikull, disa here thuhet se këshillat bazohen në disa “studime të fundit” por pa u specifikuar ato, gjë që e bënë të paqartë se për çfarë studimesh bëhet fjalë. Pra, këtij artikulli i mungon burimi i informacionit.
Një pjesë e tekstit origjinal të publikuar në Arbresh.info:
Studimet e fundit kanë gjetur se një ftua ndihmon shumë në funksionimin e zorrëve dhe parandalon sëmundjet infektive. Për shkak se përmban gjithashtu shumë pektinë, ul presionin e gjakut.
Lëngu i ftoit shëron kollën, astmën dhe diarrenë. Një ftua i pjekur mirë preferohet të konsumohet një herë në ditë për njerëzit që vuajnë nga anemia, si dhe për ata që kanë probleme me stomakun.
Vegëza e artikullit të botuar në Arbresh.info:
Analiza:
Ky artikull nuk posedon burim të informacionit, që tregon qartë se nga është marrë ky studim. Gjithashtu, faktet që paraqiten në tekst nuk janë të verifikuara. Ky artikull kategorizohet si “Përmbajtje e pa verifikuar”.
Arsyetimi:
Përmbajtje e pa verifikuar – Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.