Disa faqe në Facebook kanë publikuar një imazh ku pretendohet të jetë kopertina e revistës amerikane “Time”, dhe portreti i kryeministrit të Izraelit, Benjamin Netanyahu, me mbishkrimin “Killer of the Year” (vrasësi i vitit).
Por pas verifikimit të fakteve, të kryer nga hibrid.info nuk është gjetur asnjë provë që vërteton se kjo revistë ka publikuar këtë kopertinë.
Vegëza e postimit të publikuar në Facebook nga faqja “Shkupi i vjetër dhe i ri-Eski ve yeni Üsküp-Старо и ново Скопје” dhe “Lajm24.info”:
Për ta vërtetuar edhe më shumë faktin se ky postim nuk është i saktë, hibrid.info ka gjetur edhe publikimin e kopertinës së personazhit të vitit në ueb-faqen zyrtare të revistës “Time”, ku tregohet se këngëtarja Taylor Swift është zgjedhur personazhi i vitit 2023. (shih këtu)
Screenshot nga ueb-faqja e revistës “Time”
Kryeministri izraelit nuk është emëruar as në listën e ngushtë për personin e vitit 2023 të revistës “Time”. (shih këtu)
Hibrid.info ka vendosur ta trajtojë këtë përmbajtje shkaku i shpërndarjes së saj në numër të madh në median sociale Facebook.
Analiza:
Një faqe në Facebook, ka publikuar një fotografi ku pretendohet të jetë kopertina e revistës amerikane “Time” me portretin e kryeministrit izraelit, Benjamin Netanyahu.
Por pas verifikimit të fakteve, të kryer nga hibrid.info është vërtetuar se ky pretendim nuk është i saktë.
Bazuar në metodologjinë e punës, hibrid.info këtë pretendim e vlerëson si “përmbajtje e paverifikuar”.
Vlerësimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
