Portali informativ “Kosova-sot.info” në faqen e tij zyrtare në Facebook ka publikuar një postim me datë 26 korrik me titull “Vdes papritmas në një motel një i moshuar nga Kosova”.
Pas verifikimit të fakteve, hibrid.info ka vërtetuar se kjo ngjarje ka ndodhur në muajin mars të këtij viti, të cilën portali i lartcekur është munduar ta paraqesë si aktuale.
Vegëza e postimit të publikuar në Facebook nga faqja e portalit “Kosova Sot”:
Pas hulumtimit të kryer përmes makinave online të kërkimit, hibrid.info ka arritur të gjejë artikullin e publikuar në kohë reale (19 mars) në portalin “Nacionale.com”. (shih këtu)
Pra, portali “Kosova-sot.info” ka marr një pjesë të artikullit të publikuar në muajin mars në “Nacionale.com”, të cilin është munduar ta paraqesë si aktual.
Analiza:
Pas verifikimit të fakteve, hibrid.info ka vërtetuar se lajmi i publikuar nga Kosova Sot me datë 26 korrik, është i vjetër.
I njëjti artikull është gjetur i publikuar në portalin “Nacionale.com” me datë 19 mars.
Bazuar në metodologjinë e punës, hibrid.info e vlerëson këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.