Një llogari nëTiktok ka publikuar dje (14 janar) një video-material ku thotë se ushtria serbe është vendosur në afërsi të kufirit me Kosovën dhe përmes një fotografie të ambasadorit amerikan, Hovenier pretendon se ai ka thënë: “NATO është gati”.
Por, pas verifikimit të fakteve të kryera nga hibrid.info, është vërtetuar se asnjëra nga këto dy pretendime nuk qëndron dhe se fotografia e përdorur në video-material është e vjetër.
Vegëza e artikullit të publikuar nga “Fatjona200”:
Hibrid.info në kanalin zyrtar të mediumit “EuronewsAlbania” në Youtube ka gjetur lajmin e njëjtë të publikuar më 1 dhjetor 2023, çka tregon se ky lajm nuk është aktual. (shih këtu)
Gjithashtu, edhe në kërkimet në makinën online të kërkimit “Google”, nuk është gjetur ndonjë artikull aktual që dëshmon se ushtria serbe i është afruar kufirit me Kosovën, e as që Hovenier ka deklaruar diçka të tillë.
Analiza:
Një llogari nëTiktok përmes një video-materiali ka pretenduar se ushtria serbe është vendosur në afërsi të kufirit me Kosovën dhe se ambasadori amerikan, Hovenier ka reaguar ndaj kësaj ngjarje.
Por, hibrid.info ka verifikuar se ky pretendim nuk qëndron dhe se lajmi është i vjetër.
Në bazë të metodologjisë së punës, hibrid.info e vlerëson këtë artikull si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.