Portali i dyshimtë “gazetaprogresi.com” ka publikuar një artikull me titull “Lëvizja Vetëvendosje në bisedime me LDK dhe PDK për koalicion”.
Ky portal i dyshimtë ka marrë tekstin e një artikulli të gazetës online “BotaSot” të cilit i ka vënë titull të rremë që nuk përputhet aspak me përmbajtjen.
Në titull shkruan se VV është në bisedime me LDK-në dhe PDK-në për koalicion, ndërsa një gjë e tillë nuk thuhet edhe në tekst.
Megjithatë, në përmbajtje gjenden qëndrimet e disa deputetëve të VV-së dhe LDK-së lidhur me ndonjë koalicion të mundshëm, por asnjëherë nuk përmendet se këto subjekte politike kanë nisur bisedime lidhur me këtë çështje.
Vegëza e artikullit të publikuar në “gazetaprogresi.com”:
Më poshtë mund të gjeni vegëzen e artikullit origjinal të publikuar nga “BotaSot.info” me datë 9 dhjetor të këtij viti:
Artikulli i “gazetaprogresi.com” përmban titull të rremë, i cili nuk i përgjigjet përmbajtjes. Pas verifikimit të fakteve nga hibrid.info, ky shkrim kategorizohet si “dezinformatë” dhe “clickbait”.
Arsyetimi:
Dezinformata – Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.