Disa portale kanë publikuar një artikull me titull “Një punëtor bie nga ndërtesa 40 katëshe në Prishtinë”.
Në titullin e këtij artikulli thuhet se punëtori ra nga ndërtesa 40 katëshe. Ndërsa sipas deklaratës së zëdhënësit të Policisë së Kosovës për rajonin e Prishtinë, Agron Borovci, që është publikuar në përmbajtje të të njëjtit artikull thuhet diçka tjetër. Aty sqarohet se rreth orës 11:15 është raportuar për një person të rënë nga lartësia e një objekti, por pa u specifikuar lartësia dhe ndërtesa, siç pretendohet në titull. Pretendimi se punëtori ka rënë nga ndërtesa e njohur si “40-katëshja” është demantuar edhe nga Inspektoriati i Punës.
Teksti i artikullit të publikuar në portalet “botasot.info”, “kosovarja-ks.com” dhe “infokosova.net”:
Një punëtor bie nga ndërtesa 40 katëshe në Prishtinë
Një person (punëtor) ka rënë nga ndërtesa 40 katëshe në Prishtinë. Në vendin e ngjarjes kanë dalë ekipet emergjente. Sa i përket gjendjes së tij shëndetësore akoma nuk ka informacione më të hollësishme. Lajmin e ka konfirmuar zëdhënësi i Policisë së Kosovës për rajonin e Prishtinë, Agron Borovci. “Rreth orës 11:15 është raportuar për një person të rënë nga lartësia e një objekti. Policia menjëherë ka dalë në vendin e ngjarjes dhe po punon për zbardhjen e rrethanave që karakterizojnë rastin. Po ashtu janë ftuar edhe ekipet mjekësore për dhënien e ndihmës së nevojshme”, ka thënë ai.
“Rreth orës 11:15 është raportuar për një person të rënë nga lartësia e një objekti. Policia menjëherë ka dalë në vendin e ngjarjes dhe po punon për zbardhjen e rrethanave që karakterizojnë rastin. Po ashtu janë ftuar edhe ekipet mjekësore për dhënien e ndihmës së nevojshme”, ka thënë ai.
Vegëzat e artikullit të publikuar në portalet “botasot.info”, “kosovarja-ks.com” dhe “infokosova.net”:
https://www.kosovarja-ks.com/nje-punetor-bie-nga-ndertesa-40-kateshe-ne-prishtine/
Zëvendës kryeinspektori i Inspektoratit të Punës, Agim Millaku ka treguar për KosovaPress se punëtori nuk ka rënë nga ndërtesa e njohur si “40- katëshja”, por nga një tjetër mbrapa saj.
Vegëza e artikullit të publikuar nga “KosovaPress.com”:
Analiza:
Pas analizës së kontrollit të fakteve të kryer nga hibrid.info, del se titulli i artikullit të publikuar në disa portale mund të jetë shkruar gabim, por pa qëllimin e qartë të dezinformimit të publikut. Megjithatë, fakti që titulli i këtij artikulli flet për rënien e punëtorit nga një ndërtesë 40 katëshe, e në tekst nuk përmendet diçka e tillë. Gjithashtu një pretendim i tillë, hudhet poshtë nga Inspektoriati i Punës. Ky artikull merr vlerësimin si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
