Portali i dyshimtë “Specialja.com” vazhdon që të publikojë lajme jo të sakta, duke dezinformuar qëllimisht lexuesit. Këtë herë ka publikuar një artikull me titull “Të gjitha provat për vjedhjen e 2 Milion eurove po çojn tek ky politikan i njohur kosovar”.
Artikulli përmban titull të sajuar, ndërsa një pjesë e tekstit është marrë nga një artikull i GazetaExpress.com, por në të cilin nuk përmendet emri i asnjë politikani kosovar, siç pretendohet nga portali i dyshimtë “Specialja.com” përmes titullit.
Teksti i plotë i publikuar në Specialja.com:
Të gjitha provat për vjedhjen e 2 Milion eurove po çojn tek ky politikan i njohur kosovar
Katër herë me radhë, zyrtari i Thesarit dyshohet se ka transferuar 2,077,995.90 eurot e shtetit në llogarinë e kompanisë “LDA Group”, me bazë në Llapushnik të Drenasit, pronarët e së cilës ndodhen në arrati.
Gazeta Express mëson nga burime të sigurta se në llogarinë e “LDA Gruoup” fillimisht ishin transferuar 633 mijë euro, herën e dytë 375 mijë, pastaj 330 mijë dhe për herë të fundit 750 mijë euro.
Vegëza e artikullit të publikuar në Specialja.com:
Përveç emrave të zyrtarëve të dyshuar, deri më tani nuk është raportuar për asnjë përfaqësues politik të jetë përfshirë në këtë vjedhje. Njëjtë shkruhet edhe në artikullin e publikuar nga GazetaExpress, nga i cili është bazuar ky artikull i Specialja.com.
Vegëza e artikullit origjinal të publikuar në GazetaExpress.com:
Analiza:
Artikulli i Specialja.com përmban titull të rremë, i cili nuk përputhet me përmbajtjen. Titull i këtij artikulli është bërë për të nxitur lexueshmëri më të lartë përmes rrjeteve sociale, me qëllim të përfitimit të klikimeve, të cilat më pas shndërrohen në përfitime materiale. Ky shkrim kategorizohet si “Clickbait”.
Arsyetimi:
Clickbait – “Clickbait” janë ato tekste titulli i të cilave nuk kanë asnjë bazë në përmbajtjen e tekstit vijues. Tekste dhe artikuj të tillë synojnë të tërheqin vëmendjen e lexuesit apo edhe konsumatorit me një titull sensacional duke premtuar përmbajtje që nuk ekziston në të vërtetë dhe janë krijuar kryesisht nga interesi financiar, domethënë për shkak të rritjes së lexueshmërisë. Pra, ky lloj teksti ka për qëllim vetëm klikimin, i cili mund të shndërrohet në përfitim të prodhuesit të përmbajtjes.
