Shkroi: Etrit Rexhepi
Është publikuar një imazh me anë të cilit pretendohet se takimi i Albin Kurtit, kryeministrit të Kosovës me mërgatën në Zvicër, ka shkaktuar bllokim trafiku atje.
Kjo përmbajtje është publikuar në Facebook nga portali “lecanton27.ch”, i vetëquajtur si gazeta e parë shqipe në Zvicër.
Si qëndron e vërteta?
Fotografia me anë së cilës është paraqitur pretendimi për bllokada në trafik, pas vizitës së kryeministrit Kurti në Zvicër, është e vjetër.
Hibrid.info ka hulumtuar përmes programit të automatizuar të kërkimit, “InVID”, dhe ka gjetur një artikull të publikuar në vitin 2014, nga “swissinfo.ch” medium me bazë në Zvicër, në të cilin është bashkangjitur fotografia e mësipërme e trafikut.
Shih fotografinë më poshtë:
Analiza:
Pretendimi se në Zvicër është bllokuar trafiku pas vizitës së kryeministrit Albin Kurti në Zvicër, është i pasaktë.
Fotografia më anë të së cilës është paraqitur pretendimi është e vitit 2014.
Bazuar në metodologjinë e punës, hibrid.info e vlerëson si “Dezinformatë”.
Arsyetimi:
Vlerësimin si “Dezinformatë” e merr ajo përmbajtje informative e cila në vete përmban një “miks” të burimeve të pasakta apo edhe atribute gjysmë të vërteta, e që krijohet dhe/apo shpërndahet me qëllim të paramenduar për të shkaktuar dëm. Prapa motivit të prodhuesve/shpërndarësve të përmbajtjeve dezinformuese qëndron arritja e një qëllimi politik, financiar, psikologjik apo social.