Llogaria në TikTok që mban emrin “mtrks25” ka publikuar sot një video-material të disa pajisjeve ushtarake me pretendimin se të njëjtat sot i janë dhuruar Kosovës si donacion.
Pas verifikimit të fakteve të kryer nga hibrid.info, është vërtetuar se pretendimi është i rremë, ndërsa video është marrë nga një kanal turk në Youtube, që sqaron se pamjet paraqesin automjetin ushtarak Vuran.
Vegëza e video-materialit të publikuar në TikTok nga llogaria “mtrks25”:
Pas hulumtimit të kryer nga hibrid.info, është gjetur video-materiali i njëjtë i publikuar në Youtube nga kanali turk “Savunma Sanayii Dergilik” me datë 31 mars. (shih këtu)
Emërtimi i kësaj video, i përkthyer në shqip:
Automjet i blinduar me shumë funksione Vuran
Gjithashtu as institucioni relevant si Ministria e Mbrojtjes në Kosovë, së fundmi nuk ka publikuar ndonjë njoftim në lidhje me pranimin e ndonjë pajisje ushtarake si donacion. (shih këtu)
Analiza:
Një llogari në TikTok ka publikuar një video-material të vjetër në të cilin paraqiten disa automjete ushtarake Vuran, duke pretenduar se të njëjtat i janë dhuruar sot (24 nëntor) Kosovës si donacion.
Bazuar në metodologjinë e punës, hibrid.info e vlerëson këtë pretendim si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.