Portali “Gazetademos.com” dje (7 shkurt) ka publikuar raportin 24 orësh të Ministrisë së Shëndetësisë lidhur me numrin e të infektuarve me Covid-19.
Por, në këtë artikull ky portal ka vendosur titull jo të saktë, duke pretenduar se ka rritje të numrit e të infektuarve. Ndërsa në përmbajtje bëhet e ditur se në 24 orët e fundit janë infektuar me Covid-19 gjithsej 754 persona.
Pas verifikimit të kryer nga Hibrid.info, del që titulli i këtij artikulli të jetë i pasaktë, pasi që konstatohet se nuk ka rritje të numrit e të infektuarve, përkundrazi, ky numër ka pësuar rënie pasi në raportin e publikuar me 6 shkurt thuhet se numri i rasteve pozitive është 1283.
Vegëza e artikullit të publikuar në “Gazetademos.com”:
Raportin e MSH-së të publikuar me datë 7 shkurt mund ta gjeni këtu. Ndërsa raportin e një dite më parë (6 shkurt) mund ta shihni këtu.
Analiza:
Portali “Gazetademos.com” ka vënë titull të pasaktë në publikimin e raportit 24 orësh të MSH-së lidhur me numrin e të infektuarve me Covid-19.
Në titullin e këtij artikulli ky portal ka pretenduar se ka rritje të numrit e të infektuarve me Covid-19 në Kosovë. Por, gjatë verifikimit të kryer nga Hibrid.info është vërtetuar se ky numër ka pësuar rënie.
Në raportin 24 orësh të MSH-së të datës 7 shkurt bëhet e ditur se numri i rasteve pozitive është 754, ndërsa me datën 6 shkurt ky numër ishte 1283. Për këtë arsye, Hibrid.info e ka vlerësuar këtë artikull si “Dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.