Disa media online në gjuhën shqipe nga Shqipëria dhe Kosova, kanë publikuar një artikull me lajmin se pronari i kompanisë amerikane “Amazon”, Jeff Bezos, po qëndron me jahtin e tij në Sarandë.
Disa prej mediave që e kanë publikuar një artikull të tillë e kanë titulluar “Jeff Bezos në Sarandë me super-jahtin e tij?”.
Në fakt, është e vërtetë se, jahti që pretendohet se është në pronësi të njeriut më të pasur në botë, që mbanë emrin “Flying Fox”, ka qëndruar në bregdetin e Sarandës. Mirëpo, nuk është e konfirmuar nëse në këtë jaht ka qenë vetë miliarderi Bezos.
Gjithashtu edhe pretendimi se jahti “Flying Fox” është në pronësi të pronarit të Amazonit, nuk është i konfirmuar.
Vegëzat e publikimeve të këtij lajmi në disa prej mediat online:
Pretendimi se multi-miliarderi Bezos ka qëndruar në Sarandë, mediat e kanë ndërlidhur me disa artikuj të publikuar më parë nga media presitigjioze ndërkombëtare, ku supozohet se jahti në fjalë është blerë nga ai (këtu), por duke mos e dhënë si lajm të mirëqenë.
Dhe, duke qenë si ky jaht ka qëndruar dje (25 gusht) në Sarandë, mediat e kanë e kanë marr si të mirëqenë se në këtë jahtë duhet të jetë edhe vet Bezos, por pa e konfirmuar një gjë të tillë.
Sipas një artikulli të “businessinsider.com” i botuar më 4 gusht 2019, thuhet se ky pretendim është krijuar fillimisht nga një postim i një profili në Twitter me emrin “Yashar Ali”, që punon si gazetar në Turqi, i cili pretendonte se ky jaht po qëndrote në brigjet e Truqisë dhe se i njëjti është në pronësi të Bezos. Gazetari turk, më pas e kishte fshirë këtë postim, edhe pse paraprakisht ishte shpërndarë nga disa profile tjera, në të cilin paraqitet një foto e jahtit “Flying Fox” dhe mbishkrimi:
“Punëtorët e Amazon shemben nga lodhja e nxehtësisë në magazina ku indeksi i nxehtësisë tejkalon 100 ° F në mënyrë që Jeff Bezos të blejë një jaht të ri”.
Pretendimi se ky jaht është blerë nga Bezos, sipas “businessinsider.com”, është hedhur poshtë nga vetë përfaqësuesit e kompanisë “Amazon”, me të cilën udhëheqë Bezos (këtu)
Vërtetësia pretendimit se Bezos është pronar i këtij jahti është kontestuar edhe nga mediat tjera. Në disa prej tyre thuhet se të dhëna për pronësinë e Bezos mbi këtë jaht, bazohet vetëm në raportimet e disa mediave italiane.
https://www.superyachtfan.com/yacht/flying-fox/
Në fakt, në ueb-faqen që njihet për publikime kredibile për dhe rreth jahteve dhe anijeve “boatinterantional.com” (këtu), në artikullin dedikuar për siç e quajnë “jahtin më të shtrenjtë ndonjëherë”, nuk përmendet fare pretendimi rreth pronësisë së Bezos-it. Aty flitet vetëm se ky jaht është ndërtuar nga kompania gjermane “Lürssen” (këtu).
Analiza:
Nga kontrolli i fakteve është vërtetuar se mediat që kanë publikuar artikujt me pretendimin se Bezos po qëndron në Sarandë, nuk e kanë vërtetuar lajmin.
Në bazë të metodologjisë së hibrid.info, artikujt me pretendim të tillë u vlerësuan si “Përmbajtje e pa Verifikuar”.
Arsyetimi:
Vlerësimi “I pa verifikuar” u bëhet atyre raporteve mediatike që nuk ofrojnë informata të mjaftueshme për të konfirmuar pretendimet e bëra në raport, dhe të cilat nuk kanë mundur konfirmojnë të njëjtat për shkak të mungesës ose mos-posedimit të burimeve të besueshme.
