Portalet informative “Indeksonline.net” dhe “Raporto24.com” kanë publikuar sot (27 janar) një artikull me titull “Avokati i Aurona Pelajt: Ende s’janë kryer hetimet, ajo mund të ketë ikur në Gjermani”.
Pas verifikimit të fakteve të kryer nga hibrid.info, është vërtetuar se titulli i këtij artikulli është i shkruar gabim.
Pra, në lajm nuk paraqitet avokati i ish-infermieres Aurona Pelajt, e akuzuar për ushtrim dhune ndaj të moshuarës në shtëpinë e të moshuarve në Pejë që shihej në videon e publikuar gjatë nëntorit të vitit të kaluar. Mezhar Selimaj, në fakt, është avokati i të moshuarës, Minire Nura.
Selimaj, sot (27 janar) në një intervistë dhënë për Euronews Albania, u shpreh se sipas informacioneve që ai ka, Aurona Pelaj mund të ketë ikur në Gjermani.
Pra, portalet e lartcekura kanë raportuar gabimisht, duke e cilësuar Meshar Selimajn si avokat i Aurona Pelajt.
Vegëzat e artikullit të publikuar në portalet “Indeksonline.net” dhe “Raporto24.com”:
Pas hulumtimit të kryer përmes makinave online të kërkimit, hibrid.info ka arritur të gjejë intervistën e avokatit Meshar Selimaj dhënë për Euronews Albania, e që në titullin e këtij materiali autentik, bëhet e qartë se ai është avokat i të moshuarës, Minire Nura.
Vegëza e intervisës së Meshar Selimajt dhënë për Euronews Albania:
Për ta vërtetuar edhe më shumë faktin se Selimaj është avokat mbrojtës i Minire Nurës, hibrid.info ka gjetur edhe një deklaratë tjetër të avokatit dhënë sot (27 janar) për Euronews Albania, i cili tregon se në trupin e Nurës janë gjetur shenja djegieje dhe goditjeje. (shih këtu)
Analiza:
Portalet “Indeksonline.net” dhe “Raporto24.org” kanë publikuar një artikull me titull të pasaktë, me pretendimin se Meshar Selimaj është avokat i Aurona Pelajt, e që i njëjti ka deklaruar se ajo mund të ketë ikur në Gjermani.
Por, pas verifikimit të fakteve, hibrid.info ka vërtetuar se Selimaj nuk është avokat i Pelajt, por i gruas së moshuar, Minire Nura.
Bazuar në metodologjinë e punës, hibrid.info e vlerëson këtë artikull si “Gabim”.
Arsyetimi:
Vlerësimin “Gabim” e marrin raportet në media në të cilat redaksia e mediave bënë një gabim duke publikuar informacion të pasaktë ose duke transmetuar lajme të pavërtetuara nga një burim tjetër, pa qëllimin e qartë të dezinformimit të publikut.
