Artikulli me titull “Përsëri në Itali mund të ketë mbyllje sepse ndodhi prap ajo që pritej” është publikuar nga portali i dyshimtë me përmbajtje në gjuhën shqipe “ingazetaa.com”.
Pas verifikimit të fakteve, hibrid.info ka vërtetuar se titulli i këtij artikulli është i sajuar, si dhe ka ndërhyrje në përmbajtje.
Kjo u vërtetua nga hibrid.info pas hulumtimit të kryer përmes makinave online të kërkimit. Në artikujt e publikuar nga mediat online në gjuhën shqipe lidhur me raportin 24 orësh të rasteve me Covid-19 të Ministrisë së Shëndetësisë në Itali, nuk përmendet se mund të ketë mbyllje, siç pretendohet rrejshëm në artikullin e portalit të dyshimtë “ingazetaa.com”.
Vegëza e artikullit të publikuar në portalin e dyshimtë “ingazetaa.com”:
Ky artikull është shpërndarë edhe në Facebook nga faqet si “Gazeta”, “Gazeta Reale” dhe “Gazeta Ditore”. (shih këtu, këtu dhe këtu)
Pas hulumtimit të kryer, hibrid.info ka arritur të gjejë artikullin e publikuar nga disa media online në gjuhën shqipe, të cilat kanë raportuar lidhur me rastet e reja me Covid-19 të datës 12 korrik në Itali. (shih këtu dhe këtu)
Për ta qartësuar edhe më shumë faktin se nuk ka asnjë njoftim nga Ministria e Shëndetësisë në Itali lidhur me mundësinë e mbylljes si pasojë e rritjes së rasteve me Covid në atë shtet, hibrid.info ka gjetur njoftimin e kësaj ministrie të bërë me datë 12 korrik. (shih këtu)
Analiza:
Portali i dyshimtë “ingazetaa.com” ka publikuar një artikull me raportin 24 orësh të rasteve me Covid-19 në Itali, të cilit i ka vënë titull të rremë si dhe ka ndërhyrë në përmbajtje me pretendimin që “përsëri në Itali mund të ketë mbyllje”.
Bazuar në metodologjinë e punës, hibrid.info e vlerëson këtë artikull si “Lajm i rremë”.
Arsyetimi:
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.