Portali informativ “KosovaPost.net” dje (15 shtator) ka publikuar një artikull me deklaratën e kryetarit të PDK-së, Memli Krasniqit, i cili e quajti frikacak (tuc) kryeministrin e Kosovës, Albin Kurtin, pasi ky i fundit ishte shprehur se nuk është e çuditshme që opozita po e mbështet grevën në arsim.
Megjithatë, ky portal këtij artikulli i ka vënë një fotografi në të cilën shihet kryetari i PDK-së, Memli Krasniqi dhe ai i SBASHK-ut, Rrahman Jasharaj.
Pas hulumtimit të bërë përmes programit te automatizuar online “InVID” për kontroll faktesh, hibrid.info ka arritur të vërtetojë se kjo fotografi është e montuar, pasi në imazhin e vërtetë nuk gjendet Jasharaj por kryetari i komunës së Drenasit, Ramiz Lladrovci.
Në bazë të hulumtimit, fotografia autentike e Krasniqit me Lladrovcin është realizuar më 18 nëntor 2021 dhe është postuar në llogarinë zyrtare të kryetarit të PDK-së në rrjetin social Facebook.
Vegëza e artikullit të publikuar në portalin “KosovaPost.net”:
Ky portal këtë artikull e ka postuar edhe në faqen zyrtare në Facebook, me anë të së cilës ka arritur të grumbullojë numër të madh komentesh e reagimesh. Vërehet qartë se shumica e komentuesve kanë rënë pre e kësaj fotografie të edituar, duke e marrë atë si të mirëqenë. (shih këtu)
Pas hulumtimit të kryer, hibrid.info ka gjetur fotografinë autentike të publikuar në llogarinë e Krasniqit në Facebook, i cili shihet së bashku me kryetarin e Drenasit, Ramiz Lladrovci. (shih këtu)
Pra, fotografia është montuar duke e larguar fytyrën e Lladrovcit, për ta zëvendësuar me atë të kreytarit të SBASHK-ut, Rrahman Jasharajt.
Analiza:
Portali “KosovaPost.net” në një artikull të publikuar ka vënë fotografi në të cilën shihet Memli Krasniqi dhe Rrahman Jasharaj.
Pas hulumtimit të kryer nga hibrid.info, është vërtetuar se fotografia është e edituar, pasi në imazhin autentik nuk gjendet Jasharaj, por kryetari i Drenasit, Ramiz Lladrovci.
Bazuar në metodologjinë e punës, hibrid.info e vlerëson këtë artikull si “Mashtrim”.