Media të dyshimta kanë publikuar një lajm të pavërtetë se gjoja nga e hëna do të ketë izolim të plotë.
Ueb-faqja “newsbay24.com” ka publikuar këtë artikull, duke aluduar në një deklaratë të kryeministrit, Avdullah Hoti.
Në këtë publikim të këtij mediumi të dyshimtë, është publikuar deklarata e kryeministrit Hoti, pas miratimit të rishikimit të buxhetit, më 30 korrik.
Artikulli origjinal i newsbay24.com:
LAJMI I FUNDIT – Nga e hena do te hyjm ne izolim total per 15 dite?
Hoti: ‘Pas miratimit të buxhetit, nga e hëna izolim të plotë në gjithë Kosovën për 15 ditë?’
Sht1pe v1deon e me poshtme p3r vazhd1min e plot3 t’lajmit:JA DHE VIDEO:
Kryeministri i Republikës së Kosovës, Avdullah Hoti ka reaguar pas miratimit të rishikimit të buxhetit.
Urime të gjithëve për miratimin e rishikimit te buxhetit. Falënderoj deputetët e koalicionit qeverisës dhe të opozitës, që me votën e tyre sot ia dhanë dritën e gjelbër Qeverisë së Kosovës për aplikimin e masave për rimëkëmbje ekonomike, ku përfitues do të jenë qytetarët dhe bizneset.
Vegëza e artikullit:
LAJMI I FUNDIT – Nga e hena do te hyjm ne izolim total per 15 dite?
Analiza:
Duke qenë se ky tekst nuk ka asnjë ndërlidhje me realitetin dhe është krijuar vetëm për të rritur numrin e vizitave, atëherë hibrid.info e ka kategorizuar këtë si “clickbait”, “lajm të rremë”.
Arsyetimi:
Lajm i rremë
Vlerësimin “Lajm i rremë” e marrin ato raportime mediatike që janë tërësish prodhim i një mediumi i cili në vete përmban pretendime ose informacione faktikisht të gabuara.
Përmbajtja që vlerësohet si lajm i rremë mund të përcaktohet me siguri se është krijuar dhe shpërndarë me qëllim të dezinformimit të publikut, d.m.th., për të paraqitur një pretendim që është plotësisht i rremë si fakt.
