Portali i dyshimtë “konakushqiptar.com” ka publikuar një artikull me titull “Vjosa Osmani: Unë isha kthy në LDK me këtë kusht serioz”.
Hibrid.info ka verifikuar faktet në këtë artikull, nga ku rezulton se lajmi është i vjetër, saktësisht i muajit janar, atëherë kur Vjosa Osmani ishte ushtruese e detyrës së presidentes dhe ish-kandidate për kryeministre nga LDK në zgjedhjet e fundit e 6 tetorit 2020.
Gjithashtu, ky portal i dyshimtë këtij artikulli i ka ndryshuar titullin, duke u munduar ta paraqesë atë si aktual.
Teksti i artikullit të publikuar në portalin e dyshimtë “konakushqiptar.com”:
Ushtruesja e detyrës së presidentes dhe ish-kandidatja për kryeministre nga LDK në zgjedhjet e fundit Vjosa Osmani ka komentuar iniciativën e saj të re dhe njerëzit që pritet t’i bashkohen.
“Njerëzve të LDK-së që besojnë që vlera dhe potenciali i tyre nuk lejojnë që votat dhe besimi i tyre me u keqpërdor e kanë derën të hapur”, tha Osmani në debatin “KALLXO Pernime” transmetuar në RTV Dukagjini. / 7 sekonda pasi t
Vegëza e artikullit të publikuar në portalin e dyshimtë “konakushqiptar.com”:
Osmani në intervistën dhënë për emisionin “Kallxo Përnime” kishte thënë se nëse largohet kryesia e re e LDK-së, atëherë ajo mund të fliste rreth një rikthimi të mundshëm në këtë subjekt politik.
“Le të largohet kryesia e re e LDK-së, e le të vijmë të flasim për mundësinë e kthimit në LDK”, kishte thënë Osmani.
Vegëza e artikullit autentik të publikuar në kohë reale (4 janar 2021) në emsionin “Kallxo Përnime”:
Analiza:
Portali i dyshimtë “konakushqiptar.com” ka publikuar një artikull të vjetër me deklaratën e Vjosa Osmanit për rikthimin e saj në LDK, të cilit i ka ndryshuar titullin, me pretendimin ta paraqesë atë si aktual.
Pas analizës së kontrollit të fakteve të kryer nga hibrid.info, ky artikull merr vlerësimin si “dezinformatë”.
Arsyetimi:
Vlerësimin si “Dezinformatë” e merr ai raportim mediatik i cili në vete përmban një “miks” të burimeve të pasakta apo edhe përmbajtje gjysmë të vërtetë. Gjithashtu, ky vlerësim do të trajtojë raporte që kanë atribute të gabuara ose tituj që nuk pasqyrojnë tekstin për sa i përket saktësisë së informacionit.