Kryeministri i Shqipërisë, Edi Rama, ka publikuar në rrjetin social Twitter një foto të një artikullit të botuar nga një medium grek ku paraqiten radhët e automjeteve në një pikë-kalimi në kufirin e greko-bullgar. Përmes kësaj, Rama ka dashur të vërtetojë pohimin e tij se kolona të mëdha të pritjeve po bëhet edhe në pikë-kalime tjera kufitare, jo vetëm në mes të atyre shqiptaro-greke
Ndërkohë fotografia e botuar nga Rama, ka dal të pjesë e një artikulli të botuar në vitin 2016, duke mos i korresponduar kohës aktuale dhe kontekstit të cilin ai ka dashur ta paraqes.
Postimi i plotë i Ramës:
Sipas gazetës ‘Ekathimerini’ radha e veturave që pritën nga Bullgaria në doganën e Kulatas në Greqi, shkoi 10 km, ndërsa ajo e kamionëve arriti 15 km! Por Presidenti bullgar s’doli të fajësojë qeverinë e as i quajti qytetarët pa atdhe e pa shtet! Mëso Ilir se s’të ka borxh Shqipëria!
Zbulimi i datës së publikimi të këtij artikulli të postuar nga kryeministri Rama është bërë nga zyrtarë të Partisë Demokratike në Shqipëri si dhe disa media.
Publikimet në media rreth postimit të Ramë:
Verifikimi:
Pas verifikimit të fakteve, hibrid.info ka vlerësuar se deklarata e kryeministrit Edi Rama, ka qenë një lajm i rremë, dezinformaftë, manipulim i fakteve, përmbajtje e pa verifikuar.
Arsyetimi:
Lajm i rremë – autori ka postuar artikull që nuk i përgjigjet postimit.
Dezinformatë – autori i lajmit ka publikuar një foto që nuk e vërteton njoftimin e pretenduar përmes postimit.
Përmbajtje e pa verifikuar – autori i ka shkruar përmbajtje duke mos pasur argumentime që plotësojnë atë.
Manipulim i fakteve – autori ka përdorur informacion të saktë për të nxjerrë përfundime ose pretendime të pasakta.
